बकैया खोलाबाट बालुवा लोड गरेका दुईवटा ट्याक्टर सहित मानिस पक्राउ
बाराको बकैया खोलाबाट बन गस्ती टोलीले बालुवा लोड गरिरहेका दुईवटा ट्याक्टर नियन्त्रणमा लिएको छ । तामागढी सब डिभिजन बन कार्यालयलयबाट जमदार सोनालाल कुर्मिको कमाण्डमा खटिएको बन गस्ति टोलीले दुईवटा ट्याक्टर सहित तिनका चालकहरुलाई पक्राउ गरेको डिभिजन बन कार्यालय बाराले जनाएको छ ।
बिशेष सुचनाको आधारमा मङ्गलबार राती ११ बजे बालुवा लोड गरीरहेको अवस्था प्रदेश २ ०३ ००१ त १४९४ नम्बरको ट्याक्टर र नम्बर प्रष्ट नभएको ७ त ६१७८ नम्बर मात्र देखिने ट्याक्टर नियन्त्रणमा लिएको डिभिजन बन कार्यालय बाराका जमदार नागेन्दर प्रसाद बैठाले जानकारी दिए ।
नियन्त्रणमा लिएको ट्याक्टरलाई तामागढी सब डिभिजन बन कार्यालयाको प्राङ्गनमा र पक्राउ परेका ट्याक्टर चालकहरु निजगढ नगरपालिका वडा नं.९ बस्ने बर्ष १९ को कुनाल थापा र वडा नं.११ बस्ने १९ बर्षिय समिर रन्तेललाई डिभिजन बन कार्यालय बाराको नियन्त्रणमा राखिएको डिभिजन बन अधिकृत राजिव कुमार झाले जानकारी दिए । यस सम्बन्धमा थप आवश्यक अनुसन्धान भइरहेको उनले बताए ।
